The Lord gaed wi' a crood o' men
Throu Jericho the bonny;
'Twas ill the Son o' Man to ken
Mang sons o' men sae mony:
The wee bit son o' man Zacchay
To see the Maister seekit;
He speilt a fig-tree, bauld an' shy,
An' sae his shortness ekit.
But as he thoucht to see his back,
Roun turnt the haill face til 'im,
Up luikit straucht, an' til 'im spak--
His hert gaed like to kill 'im.
"Come doun, Zacchay; bestir yersel;
This nicht I want a lodgin."
Like a ripe aipple 'maist he fell,
Nor needit ony nudgin.
But up amang the unco guid
There rase a murmurin won'er:
"This is a deemis want o' heed,
The man's a special sinner!"
Up spak Zacchay, his hert ableeze:
"Half mine, the puir, Lord, hae it;
Gien oucht I've taen by ony lees,
Fourfauld again I pay it!"
Then Jesus said, "This is a man!
His hoose I'm here to save it;
He's are o' Abraham's ain clan,
An' siclike has behavit!
I cam the lost to seek an' win."--
Zacchay was are he wantit:
To ony man that left his sin
His grace he never scantit.
The Coorse Cratur
George Macdonald
(1)
Poem topics: lost, never, tree, special, face, save, jesus, son, Print This Poem , Rhyme Scheme
Submit Spanish Translation
Submit German Translation
Submit French Translation
<< Translations. - The Commandments. (luther's Song-book.) Poem
Translations. - Easter. (luther's Song-book.) Poem>>
Write your comment about The Coorse Cratur poem by George Macdonald
Best Poems of George Macdonald