Laber! Cung kong,
Cung kong apenyi
Nyapa Ojwiya.
Winya kong, cung iwinya:
Kiteyiteyi ma i wii emi enoni
Tura woko...
Del doggi mapekki
Dong tyeka ya nyapa dyang,
Del doggi ma aremoni
Neka woko ki ker,
Wot ka idwanyo adwanya
Tangalu mene
Malaro yoo Elegu kwedi;
Nena gidi pwota wangi
Olil calo nyig oywelo,
Dud oculi pud bong bong
Ka kwar keken, ci ikwar tul tul...
Jami ni ducu
Tye ki rom,
Ka ikato ka mo keken
Apwulu mol ni tuuu
Kalubu kori,
Anyaka maleng
Laber in
Nga dok matyerri
Ma ityeko beco ducu
Ducu kipetetere liweng!
Anyaka Maleng!
Wegolonyo Erick
(C) All Rights Reserved. Poem Submitted on 02/19/2021
(1)
Poem topics: , Print This Poem , Rhyme Scheme
Write your comment about Anyaka Maleng! poem by Wegolonyo Erick
Best Poems of Wegolonyo Erick