Tam O' Shanter. - A Tale. Poem Rhyme Scheme

Recent Interactions*

This poem was read 30 times,

This poem was added to the favorite list by 0 members,

This poem was voted by 0 members.

(* Interactions only in the last 7 days)

New Poems

A Guidebook To My Future Friends
by Aditi Mukherjee
Ndihamba Ndisekhona" Chant Beat: Stomp-stomp-clap, Stomp-stomp-clap
by Asher Chipu
Ledige Praatjies
by Asher Chipu
Life Is Working
by Asher Chipu
The Knocking To The Door
by Asher Chipu
Ubizo: What You Are Called To Do
by Asher Chipu
Sum Obsession
by Asher Chipu
Locust
by Asher Chipu
Eden Passing
by Asher Chipu
I Am The Silence
by Asher Chipu

Popular Poets

1. Emily Dickinson(2415 poems)
2. Madison Julius Cawein(1231 poems)
3. Ella Wheeler Wilcox(1136 poems)
4. William Wordsworth(1016 poems)
5. Robert Burns(986 poems)
6. Edgar Albert Guest(945 poems)
7. Thomas Moore(849 poems)
8. Robert Service(831 poems)

Robert Burns

Tam O' Shanter. - A Tale. Poem Rhyme Scheme and Analysis

About Tam O' Shanter. - A Tale.

Write your comment about Tam O' Shanter. - A Tale. poem by Robert Burns

Recent Interactions*

New Poems

Popular Poets

Of brownys and of bogilis full is this buke	A
	-
Gawin Douglas	B
	-
	-
When chapman billies leave the street	C
And drouthy neebors neebors meet	C
As market days are wearing late	D
An' folk begin to tak' the gate	D
While we sit bousing at the nappy	E
An' gettin' fou and unco happy	E
We think na on the lang Scots miles	F
The mosses waters slaps and stiles	F
That lie between us and our hame	G
Where sits our sulky sullen dame	G
Gathering her brows like gathering storm	G
Nursing her wrath to keep it warm	G
	-
This truth fand honest Tam O' Shanter	H
As he frae Ayr ae night did canter	H
Auld Ayr wham ne'er a town surpasses	I
For honest men and bonny lasses	I
O Tam hadst thou but been sae wise	I
As ta'en thy ain wife Kate's advice	I
She tauld thee weel thou was a skellum	G
A blethering blustering drunken blellum	G
That frae November till October	H
Ae market day thou wasna sober	H
That ilka melder wi' the miller	H
Thou sat as lang as thou had siller	H
That ev'ry naig was ca'd a shoe on	J
The smith and thee gat roaring fou on	J
That at the Lord's house ev'n on Sunday	K
Thou drank wi' Kirton Jean till Monday	E
She prophesy'd that late or soon	L
Thou would be found deep drown'd in Doon	L
Or catch'd wi' warlocks in the mirk	A
By Alloway's auld haunted kirk	A
	-
Ah gentle dames it gars me greet	C
To think how mony counsels sweet	C
How mony lengthen'd sage advices	I
The husband frae the wife despises	I
But to our tale Ae market night	M
Tam had got planted unco right	M
Fast by an ingle bleezing finely	E
Wi' reaming swats that drank divinely	E
And at his elbow Souter Johnny	E
His ancient trusty drouthy crony	E
Tam lo'ed him like a vera brither	H
They had been fou' for weeks thegither	H
The night drave on wi' sangs an' clatter	H
And ay the ale was growing better	H
The landlady and Tam grew gracious	I
Wi' favors secret sweet and precious	I
The Souter tauld his queerest stories	I
The landlord's laugh was ready chorus	I
The storm without might rair and rustle	N
Tam did na mind the storm a whistle	N
	-
Care mad to see a man sae happy	E
E'en drown'd himself amang the nappy	E
As bees flee hame wi' lades o' treasure	H
The minutes wing'd their way wi' pleasure	H
Kings may be blest but Tam was glorious	I
O'er a' the ills o' life victorious	I
	-
But pleasures are like poppies spread	O
You seize the flow'r its bloom is shed	O
Or like the snow falls in the river	H
A moment white then melts for ever	H
Or like the borealis race	I
That flit ere you can point their place	I
Or like the rainbow's lovely form	G
Evanishing amid the storm	G
Nae man can tether time or tide	P
The hour approaches Tam maun ride	P
That hour o' night's black arch the key stane	E
That dreary hour he mounts his beast in	E
And sic a night he taks the road in	E
As ne'er poor sinner was abroad in	E
	-
The wind blew as 'twad blawn its last	Q
The rattling show'rs rose on the blast	Q
The speedy gleams the darkness swallow'd	R
Loud deep and lang the thunder bellow'd	R
That night a child might understand	S
The de'il had business on his hand	S
	-
Weel mounted on his gray mare Meg	A
A better never lifted leg	A
Tam skelpit on thro' dub and mire	H
Despising wind and rain and fire	H
Whiles holding fast his guid blue bonnet	T
Whiles crooning o'er some auld Scots sonnet	U
Whiles glow'ring round wi' prudent cares	I
Lest bogles catch him unawares	I
Kirk Alloway was drawing nigh	V
Whare ghaists and houlets nightly cry	V
	-
By this time he was cross the foord	U
Whare in the snaw the chapman smoor'd	U
And past the birks and meikle stane	E
Where drunken Charlie brak's neck bane	E
And thro' the whins and by the cairn	E
Where hunters fand the murder'd bairn	E
And near the thorn aboon the well	W
Where Mungo's mither hang'd hersel'	W
Before him Doon pours all his floods	I
The doubling storm roars thro' the woods	I
The lightnings flash from pole to pole	W
Near and more the thunders roll	W
When glimmering thro' the groaning trees	I
Kirk Alloway seem'd in a bleeze	I
Thro' ilka bore the beams were glancing	A
And loud resounded mirth and dancing	A
	-
Inspiring bold John Barleycorn	E
What dangers thou canst make us scorn	E
Wi' tippenny we fear nae evil	W
Wi' usquabae we'll face the devil	W
The swats sae ream'd in Tammie's noddle	W
Fair play he car'd nae deils a boddle	W
But Maggie stood right sair astonish'd	U
'Till by the heel and hand admonish'd	U
She ventur'd forward on the light	U
And wow Tam saw an unco sight	U
Warlocks and witches in a dance	I
Nae cotillion brent new frae France	I
But hornpipes jigs strathspeys and reels	I
Put life and mettle in their heels	I
A winnock bunker in the east	U
There sat auld Nick in shape o' beast	U
A towzie tyke black grim and large	X
To gie them music was his charge	X
He screw'd the pipes and gart them skirl	W
Till roof and rafters a' did dirl	W
Coffins stood round like open presses	I
That shaw'd the dead in their last dresses	I
And by some devilish cantrip slight	U
Each in its cauld hand held a light	U
By which heroic Tam was able	W
To note upon the haly table	W
A murderer's banes in gibbet airns	I
Twa span lang wee unchristen'd bairns	I
A thief new cutted frae a rape	E
Wi' his last gasp his gab did gape	E
Five tomahawks wi' bluid red rusted	U
Five scimitars wi' murder crusted	U
A garter which a babe had strangled	U
A knife a father's throat had mangled	U
Whom his ain son o' life bereft	U
The gray hairs yet stack to the heft	U
Wi' mair o' horrible and awfu'	V
Which ev'n to name would be unlawfu'	V
	-
As Tammie glowr'd amaz'd and curious	I
The mirth and fun grew fast and furious	I
The piper loud and louder blew	W
The dancers quick and quicker flew	W
They reel'd they set they cross'd they cleekit	U
'Till ilka carlin swat and reekit	U
And coost her duddies to the wark	A
And linket at it in her sark	A
	-
Now Tam O Tam had thae been queans	I
A' plump and strapping in their teens	I
Their sarks instead o' creeshie flannen	E
Been snaw white seventeen hunder linen	E
Thir breeks o' mine my only pair	H
That ance were plush o' guid blue hair	H
I wad hae gi'en them off my hurdies	I
For ae blink o' the bonnie burdies	I
	-
But wither'd beldams auld and droll	W
Rigwoodie hags wad spean a foal	W
Lowping an' flinging on a cummock	A
I wonder didna turn thy stomach	Y
	-
But Tam kenn'd what was what fu' brawlie	W
There was a winsome wench and walie	W
That night enlisted in the core	H
Lang after kenn'd on Carrick shore	H
For mony a beast to dead she shot	U
And perish'd mony a bonnie boat	U
And shook baith meikle corn and bear	H
And kept the country side in fear	H
Her cutty sark o' Paisley harn	E
That while a lassie she had worn	E
In longitude tho' sorely scanty	U
It was her best and she was vauntie	U
	-
Ah little kenn'd the reverend grannie	E
That sark she coft for her wee Nannie	E
Wi' twa pund Scots 'twas a' her riches	I
Wad ever grac'd a dance of witches	I
But here my muse her wing maun cour	H
Sic flights are far beyond her pow'r	H
To sing how Nannie lap and flang	A
A souple jade she was and strung	A
And how Tam stood like ane bewitch'd	U
And thought his very een enrich'd	U
Even Satan glowr'd and fidg'd fu' fain	E
And hotch'd and blew wi' might and main	E
'Till first ae caper syne anither	H
Tam tint his reason a' thegither	H
And roars out Weel done Cutty sark	A
And in an instant all was dark	A
And scarcely had he Maggie rallied	U
When out the hellish legion sallied	U
	-
As bees bizz out wi' angry fyke	A
When plundering herds assail their byke	A
As open pussie's mortal foes	I
When pop she starts before their nose	I
As eager runs the market crowd	U
When Catch the thief resounds aloud	U
So Maggie runs the witches follow	W
Wi' mony an eldritch screech and hollow	W
	-
Ah Tam Ah Tam thou'll get thy fairin'	E
In hell they'll roast thee like a herrin'	E
In vain thy Kate awaits thy comin'	E
Kate soon will be a woefu' woman	E
Now do thy speedy utmost Meg	A
And win the key stane of the brig	A
There at them thou thy tail may toss	I
A running stream they darena cross	I
But ere the key stane she could make	A
The fient a tail she had to shake	A
For Nannie far before the rest	U
Hard upon noble Maggie prest	U
And flew at Tam wi' furious ettle	W
But little wist she Maggie's mettle	W
Ae spring brought off her master hale	W
But left behind her ain gray tail	W
The carlin claught her by the rump	E
And left poor Maggie scarce a stump	E
	-
Now wha this tale o' truth shall read	U
Ilk man and mother's son take heed	U
Whene'er to drink you are inclin'd	U
Or cutty sarks run in your mind	U
Think ye may buy the joys o'er dear	H
Remember Tam O' Shanter's mare	H