Rose o' my hert,
Open yer leaves to the lampin mune;
Into the curls lat her keek an' dert,
She'll tak the colour but gie ye tune.
Buik o' my brain,
Open yer faulds to the starry signs;
Lat the e'en o' the holy luik an' strain,
Lat them glimmer an' score atween the lines.
Cup o' my soul,
Goud an' diamond an' ruby cup,
Ye're noucht ava but a toom dry bowl
Till the wine o' the kingdom fill ye up.
Conscience-glass,
Mirror the en'less All in thee;
Melt the boundered and make it pass
Into the tideless, shoreless sea.
Warl o' my life,
Swing thee roun thy sunny track;
Fire an' win' an' water an' strife,
Carry them a' to the glory back.
A Lown Nicht
George Macdonald
(1)
Poem topics: fire, life, mirror, rose, sea, water, soul, sunny, brain, holy, score, colour, kingdom, glass, diamond, strife, conscience, open, Print This Poem , Rhyme Scheme
Submit Spanish Translation
Submit German Translation
Submit French Translation
Write your comment about A Lown Nicht poem by George Macdonald
Best Poems of George Macdonald