Since I born
I neva see big money for my life
Dem say mah wait for my turn
say things go change be4 I becum wife
I still dey hope say E go beta.

Life don turn me upandan well well
Life don play me turn turn
As I dey i no get shi shi
I don turn looku looku
becus na to luk people weh don make am I dey do
But I still dey hope say E go beta.

When I hear wetin go give me money
I dey pursue am lik fowl see hawk weh carry im pikin
When I hear the name MONEY
I dey behav lik deer weh dey pant 4 water.
But na wetin this money tink say im be ni?
Anyhow, I know say E go beta.

If the fowl weh fly 4 air fit see food chop
when dem no get farmland
I carry dem get hope.
Dem say life no balance
but I beliv say God no go shame me
Na same God create us
I know say dat God weh dey give them food
go give me too.
I beliv say 1day E go beta.