The Last O' The Tinkler Poem Rhyme Scheme and Analysis
Rhyme Scheme: AAAABBBA AAAABBBA ACADBBBC AAAABBBALay me in yon place lad | A |
The gloamin's thick wi' nicht | A |
I canna' see yer face lad | A |
For my een's no richt | A |
But it's owre late for leein' | B |
An' I ken fine I'm deein' | B |
Like an auld craw fleein' | B |
To the last o' the licht | A |
- | |
The kye gang to the byre lad | A |
An' the sheep to the fauld | A |
Ye'll mak' a spunk o' fire lad | A |
For my he'rt's turned cauld | A |
An' whaur the trees are meetin' | B |
There's a sound like waters beatin' | B |
An' the bird seems near to greetin' | B |
That was aye singin' bauld | A |
- | |
There's jist the tent to leave lad | A |
I've gaithered little gear | C |
There's jist yersel' to grieve lad | A |
An' the auld dug here | D |
An' when the morn comes creepin' | B |
An' the waukw'nin' birds are cheipin' | B |
It'll find me lyin' sleepin' | B |
As I've slept saxty year | C |
- | |
Ye'll rise to meet the sun lad | A |
An' baith be traiv'lin west | A |
But me that's auld an' done lad | A |
I'll bide an' tak' my rest | A |
For the grey heid is bendin' | B |
An' the auld shune's needin' mendin' | B |
But the traiv'lin's near its endin' | B |
And the end's aye the best | A |
Violet Jacob
(1)
Poem topics: , Print This Poem , Rhyme Scheme
Submit Spanish Translation
Submit German Translation
Submit French Translation
Write your comment about The Last O' The Tinkler poem by Violet Jacob
Best Poems of Violet Jacob