Tam Glen Poem Rhyme Scheme and Analysis
Rhyme Scheme: ABAB CBCB DBDB ABAB EBEB FBFB BBBB ABAB| My heart is a breaking dear Tittie | A |
| Some counsel unto me come len' | B |
| To anger them a' is a pity | A |
| But what will I do wi' Tam Glen | B |
| - | |
| I'm thinking wi' sic a braw fellow | C |
| In poortith I might mak a fen' | B |
| What care I in riches to wallow | C |
| If I mauna marry Tam Glen | B |
| - | |
| There's Lowrie the laird o' Dumeller | D |
| Guid day to you brute he comes ben | B |
| He brags and he blaws o' his siller | D |
| But when will he dance like Tam Glen | B |
| - | |
| My minnie does constantly deave me | A |
| And bids me beware o' young men | B |
| They flatter she says to deceive me | A |
| But wha can think sae o' Tam Glen | B |
| - | |
| My daddie says gin I'll forsake him | E |
| He'll gie me guid hunder marks ten | B |
| But if it's ordain'd I maun take him | E |
| O wha will I get but Tam Glen | B |
| - | |
| Yestreen at the valentines' dealing | F |
| My heart to my mou gied a sten | B |
| For thrice I drew ane without failing | F |
| And thrice it was written Tam Glen | B |
| - | |
| The last Halloween I was waukin | B |
| My droukit sark sleeve as ye ken | B |
| His likeness cam up the house staukin | B |
| And the very gray breeks o' Tam Glen | B |
| - | |
| Come counsel dear Tittie don't tarry | A |
| I'll gie ye my bonie black hen | B |
| Gif ye will advise me to marry | A |
| The lad I lo'e dearly Tam Glen | B |
Robert Burns
(1)
Poem topics: , Print This Poem , Rhyme Scheme
Submit Spanish Translation
Submit German Translation
Submit French Translation