Tune - "I'll gae nae mair to yon town."
I.
I'll ay ca' in by yon town,
And by yon garden green, again;
I'll ay ca' in by yon town,
And see my bonnie Jean again.
There's nane sall ken, there's nane sall guess,
What brings me back the gate again;
But she my fairest faithfu' lass,
And stownlins we sall meet again.
II.
She'll wander by the aiken tree,
When trystin-time draws near again;
And when her lovely form I see,
O haith, she's doubly dear again!
I'll ay ca' in by yon town,
And by yon garden green, again;
I'll ay ca' in by yon town,
And see my bonnie Jean again.
I'll Ay Ca' In By Yon Town.
Robert Burns
(1)
Poem topics: time, tree, dear, guess, green, garden, town, Print This Poem , Rhyme Scheme
Submit Spanish Translation
Submit German Translation
Submit French Translation