Tune - "Ye gallants bright."
I.
Ye gallants bright, I red ye right,
Beware o' bonnie Ann;
Her comely face sae fu' o' grace,
Your heart she will trepan.
Her een sae bright, like stars by night,
Her skin is like the swan;
Sae jimply lac'd her genty waist,
That sweetly ye might span.
II.
Youth, grace, and love attendant move,
And pleasure leads the van:
In a' their charms, and conquering arms,
They wait on bonnie Ann.
The captive bands may chain the hands,
But love enclaves the man;
Ye Gallants braw, I red you a',
Beware of bonnie Ann!
Beware O' Bonnie Ann.
Robert Burns
(1)
Poem topics: I love you, heart, night, pleasure, wait, face, skin, chain, youth, red, I miss you, bright, love, Print This Poem , Rhyme Scheme
Submit Spanish Translation
Submit German Translation
Submit French Translation