Nanay, Ang Amon tawag sa iya
Mapisan mabuot kag malaba Ang pasensya
Mapinalanggaon nga iloy kag asawa
Nag-atipan gid sa Amon halin sang kame gagmay pa
Si nanay masanag gid nga suga sang amon pamilya.

Si nanay, tama gid kapisan
Ubra sa sulod balay, halos iya tanan
Panglimpyo, panglaba, kag hugas pinggan
Iya kaugalingon Kon kaisa Indi ya na matatapan
Kay si nanay, ginauna gid ang sulod sang amon puloy-an
Ilabi na Ang pag-atipan sa Amon nga iya kabataan

Si nanay daw kaangngay man ni superwoman
Iya kusug kag kabakod Indi gid matupungan
Problema, kabudlay sa sini nga kalibutan
Si nanay wala gid sang may gin-atrasan
Gani ini tanan, amon gid nalampuwasan.

Nanay, salamat gid sa imo tanan nga sakripisyo
Sa pagpalangga sa amon nga Wala gid sang preno.
Sa pagdisiplina para kame mangin maayo nga tawo
May pag-ulikid kag respeto sa amon isigkatawo.
Labaw sa tanan, salamat nay kay kame nagdako
Nga may pagsalig kag kahadlok sa aton GINOO.