The Lang Road Poem Rhyme Scheme and Analysis
Rhyme Scheme: AABBBBCC DDEEBBAF BBGGHHII JJHHBBKK| Below the braes o' heather and far alang the glen | A |
| The road rins southward southward that grips the souls o' men | A |
| That draws their fitsteps aye awa' frae hearth and frae fauld | B |
| That pairts ilk freen' frae ither and the young frae the auld | B |
| And whiles I stand at mornin' and whiles I stand at nicht | B |
| To see it through the gaisty gloom gang slippin oot o sicht | B |
| There's mony a lad will ne'er come back amang his ain to lie | C |
| An' its lang lang waitin' till the time gangs by | C |
| - | |
| An far ayont the bit o' sky that lies abune the hills | D |
| There is the black toon standin' mid the roarin' o' the mills | D |
| Whaur the reek frae mony engines hangs 'atween it and the sun | E |
| An the lives are weary weary that are just begun | E |
| Doon yon lang road that winds awa' my ain three sons they went | B |
| They turned their faces southward frae the glens they aye had kent | B |
| And twa will never see the hills wi' livin' een again | A |
| An' it's lang lang waitin' while I sit my lane | F |
| - | |
| For ane lies whaur the grass is hiech abune the gallant deid | B |
| An ane whaur England's michty ships sail proud abune his heid | B |
| They couldna' sleep mair saft at hame the twa that sairved their king | G |
| Were they laid aside their ain kirk yett i' the flower o' the ling | G |
| But whaur the road is twistin' through yon streets o' care an' sin | H |
| My third braw son toils nicht and day for the gowd he fain would win | H |
| Whaur ilka man grapes i' the dark to get his neebour's share | I |
| An' it's lang lang strivin' i' the mirk that's there | I |
| - | |
| The een o' love can pierce the mools that hide a sodger's grave | J |
| An' love that doesna' heed the sod will naither hear the wave | J |
| But it canna' see 'ayont the cloud that hauds my youngest doon | H |
| Wi' its mist o' greed an' sorrow i' the smokin' toon | H |
| An whiles when through the open door there fades the deein' licht | B |
| I think I hear my ain twa men come up the road at nicht | B |
| But him that bides the nearest seems the furthest aye frae me | K |
| And it's lang lang listenin' till I hear the three | K |
Violet Jacob
(1)
Poem topics: , Print This Poem , Rhyme Scheme
Submit Spanish Translation
Submit German Translation
Submit French Translation
Write your comment about The Lang Road poem by Violet Jacob
Best Poems of Violet Jacob