Pren ceste rose aimable comme toy,
Qui sers de rose aux roses les plus belles,
Qui sers de fleur aux fleurs les plus nouvelles,
Qui sers de Muse aux Muses et à moy.
Pren ceste rose, et ensemble reçoy
Dedans ton sein mon coeur qui n'a point d'ailes :
Il vit blessé de cent playes cruelles,
Opiniastre à garder trop sa foy.
La rose et moy differons d'une chose :
Un Soleil voit naistre et mourir la rose,
Mille Soleils ont veu naistre m'amour
Qui ne se passe, et jamais ne repose.
Que pleust à Dieu que mon amour éclose,
Comme une fleur, ne m'eust duré qu'un jour.
Pren Ceste Rose Aimable Comme Toy
Pierre De Ronsard
(1)
Poem topics: point, rose, Print This Poem , Rhyme Scheme
Submit Spanish Translation
Submit German Translation
Submit French Translation
<< Marie, Qui Voudrait Votre Beau Nom Tourner Poem
Ciel, Air Et Vents, Plains Et Monts Decouverts Poem>>
Write your comment about Pren Ceste Rose Aimable Comme Toy poem by Pierre De Ronsard
Best Poems of Pierre De Ronsard