The Trickster Poem Rhyme Scheme and Analysis
Rhyme Scheme: ABCB AADA EFBF GEHE IFFF IJAJ FBKB EILI MGN BBEB OGLG| 'Twas the turn o' the nicht when a' was quate | A |
| An' niver a licht to see | B |
| That Death cam' stappin' the clachan through | C |
| As the kirk knock chappit three | B |
| - | |
| An' even forrit he keepit the road | A |
| Nor lookin' to either side | A |
| But heidin' straucht for the eastmost hoose | D |
| Whaur an auld wife used to bide | A |
| - | |
| Wi' ae lang stride he passed her door | E |
| Nor sign he niver gae nane | F |
| Save pu'in' a sprig o' the rowan tree | B |
| To flick on her window pane | F |
| - | |
| An' is this to be a' my warnin' Death | G |
| I'm fourscore year an' four | E |
| Yet niver a drogue has crossed my lips | H |
| Nor a doctor crossed my door | E |
| - | |
| I dinna seek to be forcy wife | I |
| But I hinna a meenute to tyne | F |
| An' ye see ye're due for a transfer noo | F |
| To the Session books frae mine | F |
| - | |
| At ilka cryin' I'm handy wife | I |
| Wi' herbs I hae trokit awa' | J |
| An' weel ye may dae's a gude turnie lad | A |
| That's dune ye ane or twa | J |
| - | |
| At the hin'er en' Fair Hornie then | F |
| Fair Hornie lat it be | B |
| An' Govy dick ye can tak your pick | K |
| O' the ways fowk chance to dee | B |
| - | |
| He rattled them owre till weel on fowre | E |
| An' the cock gae signs o' life | I |
| On ilka ill he spak' his fill | L |
| But nane o' them pleased the wife | I |
| - | |
| Wi' siccan a ch'ice ye're unco nice | M |
| Hoots came awa woman says Death | G |
| Gin ye canna wale ane o' the fancy kin's | N |
| What think ye o' 'Want o' breath ' | - |
| - | |
| Noo Faith the auld jade was a humoursome taed | B |
| As an auld wife weel can be | B |
| An' she leugh sae sair at his fleechin' air | E |
| It fairly gar't her dee | B |
| - | |
| Wi' a gey teuch sinon in your neck | O |
| Ye'll lang keep clear o' skaith | G |
| But the craftiest carle in a' the warl' | L |
| An' the kin'liest whiles is Death | G |
David Rorie M.d.
(1)
Poem topics: , Print This Poem , Rhyme Scheme
Submit Spanish Translation
Submit German Translation
Submit French Translation
About The Trickster
The Trickster is a poem by David Rorie M.d.. This page includes the poem text, poet information, related topics, comments, and similar poems.
Write your comment about The Trickster poem by David Rorie M.d.
Best Poems of David Rorie M.d.