The Nicht That The Bairnie Cam' Hame Poem Rhyme Scheme and Analysis
Rhyme Scheme: ABCBDEFE GHGHIEIE IJGJKEKE LMJMFEIE FINIBEBE IBJFJEJE OPFPFEJE QJGJJEIE JRJRIEFE| I was gaun to my supper richt hungert an' tired | A |
| A' day I'd been hard at the pleugh | B |
| The snaw wi' the dark'nin' was fast dingin' on | C |
| An' the win' had a coorse kin' o' sough | B |
| 'Twas a cheery like sicht as the bonny fire licht | D |
| Gar't the winnock play flicker wi' flame | E |
| But my supper was Aff for the doctor at aince | F |
| That nicht that the bairnie cam' hame | E |
| - | |
| Noo I kent there was somethin' o' that sort to be | G |
| An' I'd had my ain thochts tae aboot it | H |
| Sae when my gude mither had tel't me to flee | G |
| Fegs it wisna my pairt for to doot it | H |
| Wi' a new pair o' buits that was pinchin' like sin | I |
| In a mile I was hirplin' deid lame | E |
| 'Twas the warst nicht o' a' that I ever pit in | I |
| That nicht that the bairnie cam' hame | E |
| - | |
| I'd a gude seeven mile o' a fecht wi' the snaw | I |
| An the road was near smoort oot wi' drift | J |
| While the maister at market had got on the ba' | G |
| Sae I'd tint my ae chance o' a lift | J |
| When I passed the auld inn as I cam' owre the hill | K |
| Although I was mebbe to blame | E |
| I bude to gang in bye an' swallow a gill | K |
| That nicht that the bairnie cam' hame | E |
| - | |
| Gude be thankit says I at the doctor's front door | L |
| As I pu'd like mischeef at the bell | M |
| But my he'rt gae a dunt at the story that runt | J |
| O' a hoose keeper body'd to tell | M |
| The man wasna in He was at the big hoose | F |
| A sick dwam cam' richt owre my wame | E |
| Hoo the deevil was I to get haud o' him noo | I |
| That nicht that the bairnie cam' hame | E |
| - | |
| The doctor was spendin' the nicht at the laird's | F |
| For the leddy ye see was expeckin' | I |
| A feckless bit cratur weel meanin' an' a' | N |
| Though she ne'er got ayont the doo's cleckin' | I |
| It's them that should hae them that hinna eneugh | B |
| Fegs lads it's a damnable shame | E |
| Here's me wi' a dizzen and aye at the pleugh | B |
| Sin' that nicht that the bairnie cam' hame | E |
| - | |
| What was I to dae I was at my wits' en' | I |
| For Tibbie the howdie was fou | B |
| An' e'en had I got her to traivel the road | J |
| What use was she mair than the soo | F |
| I was switin' wi' fear though my fingers was cauld | J |
| An' my taes they were muckle the same | E |
| Man my feet was that sair I was creepin' twa fauld | J |
| That nicht that the bairnie cam' hame | E |
| - | |
| Three hoors an' a hauf sin' I startit awa' | O |
| An Deil faurer forrit was I | P |
| Govy ding It's nae mows for the heid o' the hoose | F |
| When the mistress has yokit to cry | P |
| A set o' mis chanters like what I'd come through | F |
| The strongest o' spirits would tame | E |
| I was ettlin' to greet as I stude in the street | J |
| That nicht that the bairnie cam' hame | E |
| - | |
| But a voice that I kent soondit richt in my lug | Q |
| Frae my he'rt it fair lifted a load | J |
| As I tells him my story for wha should he be | G |
| But the factor's son hame frae abroad | J |
| It's a brute of a night but to doctor's my trade | J |
| If ye'll have me my laddie I'm game | E |
| An' he druve his ain trap seeven mile through the snaw | I |
| That nicht that the bairnie cam' hame | E |
| - | |
| Ay an' cracked like a pen gun the hail o' the road | J |
| An' though I was prooder than ask | R |
| When he fand I was grewsin' awa' at his side | J |
| He filled me near fou frae his flask | R |
| Syne when a' thing was owre an' I gruppit his han' | I |
| Says the wife We maun gie him the name | E |
| An' there's aye been a gude word for him i' the hoose | F |
| Sin' the nicht that the bairnie cam' hame | E |
David Rorie M.d.
(1)
Poem topics: , Print This Poem , Rhyme Scheme
Submit Spanish Translation
Submit German Translation
Submit French Translation