O mga bituin sa langit
Ika'y minsa'y di na nakita
At di napansin ang iyong ganda
Nang dahil sa bagong teknolohiya
Na bumihag sa aking mga mata
At ngayo'y napadpad sa isla
Malayong malayo pa
Huling-huli pa sa teknolohiya
Pagsapit ng dilim wala ng magawa
Kaya minsa'y lumabas at tumingala
Ang iyong ganda na muli'y nakita
Nasilayan liwanag na kumikislap
Maliliit na liwanag sa kadiliman
Nagbigay ningning sa gabing madilim
Gayon sa dilim ng buhay may ningning ding makikita