Song-guid Ale Keeps The Heart Aboon
Chorus-O gude ale comes and gude ale goes;
Gude ale gars me sell my hose,
Sell my hose, and pawn my shoon-
Gude ale keeps my heart aboon!
I HAD sax owsen in a pleugh,
And they drew a' weel eneugh:
I sell'd them a' just ane by ane-
Gude ale keeps the heart aboon!
O gude ale comes, &c.
Gude ale hauds me bare and busy,
Gars me moop wi' the servant hizzie,
Stand i' the stool when I hae done-
Gude ale keeps the heart aboon!
O gude ale comes, &c.
Robert Burns
The copyright of the poems published here are belong to their poets.
Internetpoem.com is a non-profit poetry portal. All information in here has been published only for educational and informational purposes.