Imvunge Yobungoma
Ngiyekeleni ngiye kumthuthuzeli wami
Ngiyekeleni ngiye konothando lwami
Ngivumeleni ngiye konokunginakekela
Ngivumeleni ngiyokwembatha Isembatho sami engabelwa sona
Kuyena nginokuthula kwaphakade Ongubo yakhe izongembesa Isembatho Sokuthula noxolo lwaphakade
Laph'ngingesenakuzwa msindo Omsind'engiyakuwuzwayo kungowemvunge yakhe
Wona ophumuza ingqondo nokucabanga kwami
Yilapho ngizoqhakaza khona !
Phela yena ungumondli wabaningi
Intokozo yami ikuye
Isihluthulelo sempilo yami sikuye
Laph'usizi lumi ngezinyawo
Ze ungikhusele siphephelo sami
Phakathi ekujuleni koThukela
Ngisho ekujuleni kwezilwandlekazi
Wo! Bakithi
Ngiyiseni ekujuleni kwamanzi
Kulapho injabulo yami ikhona
Ngiyekeleni ngiye emanzini abanzi!
-Zanele Ngcobo
Nonkululeko Ngcobo
(C) All Rights Reserved. Poem Submitted on 05/19/2019
The copyright of the poems published here are belong to their poets.
Internetpoem.com is a non-profit poetry portal. All information in here has been published only for educational and informational purposes.