Niegah Peeple Naave Nuttn Bout Dem

(Patois)

Weh deng call black peeple oo naave noh brawtupsi?
Deng call dem dutty niegah,
Deng call dem nahsi niegah,
An deng call dem uol niegah.

Weh deng call niegah oo infawm pan deh wan anedda?
Deng call dem chatty-chatty peeple,
Deng call dem infawma,
An deng call dem newz cyarrya.

Weh deng call black peeple oo noh wah yuh fi ave nuttn?
Deng call dem bad-mine neigah,
Deng call dem dutty-mine neigah,
An deng call dem wickid hawt niegah.

Weh deng call niegah oo try fi kip dung addaz?
Deng call dem black crab,
Deng call dem styfla,
An deng call dem wickid fita.

Weh deng call black peeple oo wah ebryting weh dehn si?
Deng call dem craybm neigah,
Deng call dem red yai neigah,
An deng call dem shine yai neigah.

Weh deng call niegah oo noh mine dehn uon bizniz?
Deng call dem faas mout peeple,
Deng call dem marri lang tong,
An deng call dem wachy-wachy peeple.

Weh deng call black peeple oo noh live gud life?
Deng call dem camman niegah,
Deng call dem kielis niegah,
An deng call dem wutlis niegah.