Mi Black Bredda Dem

(Patois)

A nuh ongle black ooman bleech out dem fies, wolleep a black man dweit tu.
Mi nuh nuo weh mek su much black peeple nuh laik deng colla.
Di wiay mi siit, a black smaddi wid a wite fies fieba wan duppy ar zambie.

Mi shiem a mi black bredda dem oo wier iez ring laik ooman.
Di mawma man dem wah fi du ebryting weh dem si ooman du.
Since som man plat dem hier, dem sue staat wier stackin ah frack.

Nuff black man wier dem pance wies ahnda dem batty ah waak laik alligetta.
Dem seh a batty man stail, but di fool dem still dweit.
Jus luk pah ow dem dress ah yuh si seh dem a wutlis niegah.

Ebry diay yuh si dem pan di ruodside a mash up ganja inna dehn han miggle.
Mi neva ier nobaddi oo sumoke ganja seh nuttn weh mek sense.
Dem tink laik madman when dem sumoke ganja, but dem nuh sumel demself.

Wen di bad brokn bwoy pickney dem reech a certn iege dem tek up di gun.
Dem jain gyang, an dem staat fi rab ang kill puor peeple.
Wolleep a black man nuh wah fi wok fi dem mony, dem redda tiif.

A nex ting, nobaddi naw gi dem nuh wok wen dem kom fram di getto.
If dem live a Backtu, Pien Lan, Maxfeel, Frag City, excetra, dem naw get nuh werk.
Oo wudda wah demdeh dutty peeple deh fi wok inna dem bizniz plies?

Mi redda riez ten gyal pickney dan wan bwoy pickney.
Bwoy pickney gi tu much troble, ah mi cyah tek di prablem wid jielouse ang cuotouse.
Gyal pickney ongle cawz prablem wen dem breed an ave baby.
An fi tell yuh di chuut, mi redda werk wid dat any time.

Mi black bredda dem call wan anedda, “Dawg,” but dem lef out suppm.
Di dyam illitaret eeydat dem a nuh jus dawg; dem a dawg doodoo!
Dem cyah ave a gud canvosiashan; all dem du a chat pier foolinish.

Som black man cliem seh dem a bad man, but dem ongle sumel bad.
Dem wah peeple fi fier dem, but mi nuh frieda nobaddi.
Mi nuh si dem az bad man; mi si dem az blastid madman.