Lala Mphefumulo

Sekungiso lesikhatsi lobewusilindzele,
Sekutfwal' emanikinik' ubuyel'ekhaya.
Ufulatsele bumekemeke bemhlaba,
Ufulatsele tihlobo nebangani.

Midz'iminyaka solok' udla mabele,
Ulindze waphelelwa nalitsemba,
Wacabanga kutsi Babe ukhohliwe ngawe,
Wacabanga kutsi mcambimanga.

Ukubeketelele kuts' utilungiselele kahle,
Lidvokodvo selitawudzilitwa nyalo,
Uyilwil'indzima yakho,
Sal'ukhumbula kubuyel' ekhaya,
Akusenani lala mphefumulo.